Паважаныя сябры!

21 лютага адзначаецца Міжнародны дзень роднай мовы.

Мы запрашаем вас прыняць удзел у святкаванні гэтага дня на факультэце пачатковай адукацыі – падзяліцца з намі сваімі разважаннямі пра вашу родную мову, прадэманстраваць сваё веданне мовы.

У межах Міжнароднага дня роднай мовы мы плануем правесці шэраг мерапрыемстваў.

1. Усіх, хто піша вершы і неабыякавы да лёсу роднай мовы, запрашаем прыняць удзел у конкурсе вершаў. Да 20 лютага дасылайце свае творы на электронны адрас alena.vasil.26@gmail.com або прыносьце на кафедру беларускага і рускага мовазнаўства (каб. 16).

2. Усіх, хто свае думкі лепш выкладае ў празаічнай форме, мы запрашаем паўдзельнічаць у конкурсе эсэ “Смак роднай мовы, або Без якога слова я не ўяўляю родную мову”. Эсэ павінна быць прысвечана аднаму слову, якое для вас асацыіруецца з роднай мовай. Да 20 лютага дасылайце свае творы на электронны адрас alena.vasil.26@gmail.com або прыносьце на кафедру беларускага і рускага мовазнаўства (каб. 16).

3. 18 лютага адбудзецца віктарына “Скарбы роднай мовы”, у якой могуць прыняць удзел усе студэнты факультэта.